Хамгийн сүүлд нэмэгдсэн нийтлэл:
Гурван үг
2017 оны 5 сарын 27 [Уншсан тоо: 99519]

Гурван нэр дэвшигч үнэмлэх гардаж авахдаа товчхон үг хэлцгээв. Хэдий жижигхэн ёслол ч өөр өөрийн өвөрмөц өнгө төрх ажиглагдлаа. Ямар ч нэмэлт хачиргүй хэлсэн үгүүдийг дэс дараагаар нь харьцуулан харъя. Хэдхэн үгэнд гэхэд нэлээд ялгарал харагдана:

М.Энхболд: Монголын төр тогтвортой, эх орон ард түмэн эв нэгдэлтэй байж... хямралт байдлыг даван туулж, хямралыг зогсоохын тулд энэ сонгуульд би нэр дэвшиж байна.

Х.Баттулга: 30 хүний төлөө юу эсвэл 3 сая монголчуудын төлөө юу гэдэг шийдвэр гаргах сонгууль болноо.

С.Ганбаатар: Би Монголын ард түмний сайн сайхны төлөө дэвшиж байна. 30-хан гэр бүлийг баяжуулахын төлөө зүтгээгүй.

* * *

М.Энхболд: Хоёр их хөрш, дэлхийн улс гүрнүүдтэй эрх тэгш, эвтэй найртай харилцах нь энэ цаг үед гарцаагүй чухал байна.

Х.Баттулга: Тэдэнд эрх мэдэл, алт мөнгө, гадныхан бүгд байгаа.

С.Ганбаатар: Гадныханд барьцаалагдсан УИХ-ыг хазаарлана.

* * *

М.Энхболд: Энэ удаагийн сонгууль зөвхөн Ерөнхийлөгчөө сонгох биш хагарсан, доройтсон энэ бүгдэд цэг тавих сонгууль гэж би ойлгож байна.

Х.Баттулга: Хүч тэнцвэргүй тулаан болноо. Энэ сонгуульд Монгол ялна.

С.Ганбаатар: Монголын ард түмэн ялна. Монгол босно.

* * *

М.Энхболд: 6-р сарын 6-нд мөрийн хөтөлбөрөө ард иргэддээ танилцуулах болноо.

Х.Баттулга: /мөрийн хөтөлбөрийн талаар юм хэлсэнгүй/

С.Ганбаатар: Хар пиарчид бүгд МАНАН дээр цугларсан байна /хэдэн хуудас цаас харуулж/ Надад төлөвлөгөө бий.

* * *

М.Энхболд – Гэргийн хамт ирэв.

Х.Баттулга – Эхнэр нь тодорхойгүй байна.

С.Ганбаатар – Гэр бүлээрээ ирэв.

* * *

М.Энхболдыг дэмжиж хоёр дахь ерөнхийлөгч Н.Багабанди хүрэлцэн ирэв.

Х.Баттулгыг дэмжиж ерөнхий сайд асан Д.Бямбасүрэн гуай хүрэлцэн ирэв.

С.Ганбаатарыг дэмжиж гурав дахь ерөнхийлөгч Н.Энхбаяр харин ирсэнгүй.
"Монголын шилдэг нийтлэлчдийн клуб" танд таалагдаж байвал LIKE хийгээрэй.
Нийтлэлийн архив